Millətimizin, mədəniyyətimizin minlərlə illik tarixi var. "1919-cu ildən başlayan tarix" anlayışını rədd edirəm.

Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan bildirib.

"Kim 200 ilimizi, hətta son 600 ilimizi təcrid edib, qədim türk tarixini hesaba almır və birbaşa cümhuriyyət tariximizə adlayırsa, o adam millətimizin də, dövlətimizin də tullantısıdır. Qərb mədəniyyətində türk müəyyən bir qövmün adı deyil, bütün müsəlmanları ifadə edən bir addır. Dünyada 200 milyondan artıq bir varlığa malik türkdilli cəmiyyətlər dedikdə də ağıla öncə bizim millətimiz gəlir. Millət olaraq təmsil etdiyimiz bu geniş görüntünün arxasındakı böyük mübarizə və fədakarlıqları çox yaxşı görməli, qiymətləndirməli və idrak etmək məcburiyyətindəyik. Ölkəmizdə, təəssüf ki, yeni nəsillərə bu böyük şəkli göstərəcək bir tarix anlayışı mövcud deyil", - Ərdoğan qeyd edib.