Hazırda İranda raketlərin döyüş vəziyyətinə gətirilməsi o həddə çatdırılıb ki, hətta biz 8 dəqiqədən az bir müddətdə Təl Əvivi yerlə yeksan edərik.

Xeberman.com-un məlumatına görə, bunu İran İslam İnqilabı Korpusunun (Sepah) "Xatəmül-Osiya" Hava Hücumundan Müdafiə qərargahının təmsilçisi Əzim İbrahimpur deyib.

O bildirib ki, 5+1 ölkələrinin hərbi seçimə əl atması İran üçün əhəmiyyətli deyil:

"Onlar bilirlər ki, əgər bizə qarşı yönəlmiş ən xırda hadisə belə baş versə Amerikada 1200 təsbit etdiyimiz hədəfi 48 saatın içində yer üzündən silərik".

Qeyd edək ki, İran son vaxtlar bir neçə raket sınağı keçirib. Bu sınaqlar Qərb siyasi dairələrində etirazlara səbəb olub və iş o yerə çatıb ki, ABŞ konqresində bu sınaqlar səbəbindən İslam Respublikasına qarşı yeni sanksiyaların tətbiq edilməsinə dair qanun layihəsi irəli sürülüb.