Ana səhifə Gündəm |
Dağlıq Qarabağ müharibəsi 30 ilə yaxındır davam edir.
Tərəflərdən biri sülh istəyir, digəri isə bunu, hətta danışıqları
qəbul etmir.
APA-nın Gürcüstan bürosunun məlumatına görə,
bunu Gürcüstanda fəaliyyət göstərən ART TV-nin direktoru,
ssenarist-rejissor, professor Tengiz Txilava bildirib.
Gürcü rejissor ermənilərin hər sahədə uduzduğunu bildirib: "Şübhəm
yoxdur ki, sadə ermənilər bu müharibəni istəmirlər. 1988-ci ildən
başlayan müharibənin törətdiyi fəsadlara baxanda, Ermənistan heç nə
qazanmayıb, əksinə uduzub. Çünki bu ölkə Cənubi Qafqazdan keçən ən
böyük layihələrdən kənarda qalıb. İqtisadi cəhətdən inkişaf edən
Azərbaycan isə Qərb dövlətləri ilə müxtəlif beynəlxalq layihələrlə
bağlı sazişlər imzalayıb".
T.Txilava keçən ayın ilk günlərində cəbhədə atəşkəsin məhz
Ermənistan tərəfindən pozulduğunu bildirib:
"Ermənilər qəbul etməlidirlər ki, Azərbaycan dövləti və onun
ordusu 25 il əvvəlki ordu deyil. Azərbaycan getdikcə güclənir,
beynəlxalq arenada güclü oyunçuya çevrilib".
Gürcü rejissor qeyd edib ki, Ermənistan silahlı qüvvələri işğal
olunan Azərbaycan ərazilərindən çıxmalı, bu torpaqlar əsl sahibinə
qaytarılmalıdır: "Onsuz da Ermənistan Azərbaycan torpaqlarını geri
qaytarmağa məcbur olacaq. Ermənilərin bir dövləti var, o da
Ermənistandır. Onlar Qarabağda dövlət yarada bilməzlər".
Tarix
2016.05.04 / 22:55
|
Müəllif
Axar.az
|