Ana səhifə Planet |
19:28
Türkiyənin İstanbul şəhərində Çağlayan Ədliyyə binasının önündə tanınmış jurnalist Can Dündara sui-qəsd cəhdi olub.
Axar.az xəbər verir ki, jurnalistə iki dəfə atəş açılsa da, güllələr ona dəyməyib.
Lakin hadisə yerində olan NTV-nin Yavuz Şenkal adlı əməkdaşı ayağından yüngül yaralanıb.
Olayı törədən şəxsin yaxalandığı bildirilib.
Can Dündar hadisənin onu qorxutmaq məqsədilə törədildiyini deyib: "Xəsarət almamışam. Məhkəmədən çıxan zaman olay baş verdi. Atəş açanı görmüşəm. Lakin onun kim olduğunu bilmirəm".
Xatırladaq ki, sözügedən jurnalistə qarşı "dövlət sirrini yaymaq" maddəsi ilə cinayət işi qaldırılıb. Onun 25 il azadlıqdan məhrum edilməsi ilə bağlı iddia qaldırılıb.
19:55
Türkiyənin məşhur jurnalisti Can Dündara sui-qəsd həyata keçirməyə cəhd edən şəxsin 40 yaşlı Murad Ş. adlı şəxs olduğu müəyyən edilib.
Polis bölməsinə aparılan təqsirkarın keçmişdə bir sıra cinayətlər törətdiyi üzə çıxıb.
Faktla bağlı araşdırmalara başlanılıb.
Tarix
2016.05.07 / 01:06
|
Müəllif
Kamran Ədalət
|