1 ildir ki, komadan ayılmayan və beyin iflici olan Bakı şəhər sakini 28 yaşlı Nazim Abdulovdan xəbər var.

Aznyus.az xəbər verir ki, Harvard Univesitetinin professoru Anastasiadis Aggelos Nazimin yaşadığı evə gələrək onu müayinə edib. Həkimin sözlərinə görə, Nazim Abdulova ilkin müalicə üçün 9 min manat vəsait lazımdır: "Beyninin sol yarımkürəciyi öz funksiyasını itirib. 1 ildən artıqdır ki, müalicəsiz qalıb. Elə bu səbəbdən də vəziyyətinin düzəlməsi üçün vaxt tələb olunur. İlkin mərhələdə 9 min manat vəsait lazımdır. Müalicələr davam etdikcə bu vəsait arta da bilər".

Məlumata görə, 2 həftə ərzində xəstənin səhhətində irəliləyiş olsa, klinikaya aparılacaq.

Qeyd edək ki, Nazim Abdulov atasının faciəli ölümündən sonra beyin iflici keçirib. Nazimə yardım etmək istəyən şəxslər aşağıdakı nömrələrlə əlaqə saxlaya bilərlər:

(050) 713 04 08

(050) 302 26 83