ABŞ Rusiyaya məxsus S-300 zenit-raket komplekslərinin İrana satılmasının əleyhinədir.

Axar.az xəbər verir ki, bunu ABŞ Dövlət Departamentinin nümayəndəsi Elizabet Trüdo açıqlayıb.

Vaşinqton rəsmisinin sözlərinə görə, bununla belə, ABŞ bunu Tehranın nüvə proqramına dair sazişinin və BMT TŞ-nin qətnamələrinin pozulması kimi qiymətləndirmir:

"Rusiyanın S-300 zenit-raket komplekslərinin İrana satılmasından məlumatımız var. Biz S-300-lərin İrana satılmasına qarşı olduğumuzu bildirmişik. Con Kerri Rusiyanın XİN rəhbəri Sergey Lavrovla görüşlərində bu məsələni dəfələrlə qaldırıb. S-300-lərin tədarükünə qarşı olsaq da, buna Tehranın nüvə proqramına dair sazişinin və BMT TŞ-nin 2231 saylı qətnaməsinin pozulması demək olmaz".