Orada tanınmaq üçün uzun vaxt lazımdır.

Axar.az xəbər verir ki, bu sözləri müğənni Nigar Camal müğənnilərin xarici şou-biznesə girmək arzuları haqda "ATV maqazin onlarla" verilişində danışarkən deyib. O, xarici ölkədə şou-biznesə qatılmaq arzusunda olmadığını bildirib:

"Kim deyirsə ki, xarici ölkədə ulduz olacağam, inanmayın. Bu mümkünsüzdür. Orada tanınmaq üçün uzun vaxt lazımdır. Mən 15 yaşında deyiləm axı. Mənim üçün Rusiyada və ya Türkiyədə tanınmaq yaxşı olardı. Rusiyada tanınmaq üçün gərək orada yaşayasan. Türkiyədə isə ya dayanmadan işləməlisən, ya da hansısa layihənin qalibi olmalısan".