Avropa Birliyi (AB) Azərbaycanı strateji tərəfdaş kimi görməlidir.

Axar.az "Anadolu Agentliyi"nə istinadən xəbər verir ki, bu sözləri Macarıstan Xarici İşlər naziri Peter Szijarto deyib.

Onun sözlərinə görə, Azərbaycanla Assosiasiya Sazişi təcili imzalanmalıdır:

"AB-nin şərq qonşularında qaynar və dondurulmuş münaqişələr var və bu, Avropaya birbaşa təsir edir. Avropadan bu ölkələrə müsbət cavab verilməlidir. Gürcüstan və Ukrayna ilə viza rejimini təcili ləğv etmək lazımdır. Çünki bu iki ölkə bütün şərtləri yerinə yetirib. Azərbaycanla isə Assosiasiya Sazişini tez bir zamanda imzalamaq lazımdır. Biz bunu dəstəkləyirik. Çünki Azərbaycan Avropanı enerji ilə təmin edə bilər. Azərbaycan strateji tərəfdaş kimi görülməlidir".