Ana səhifə Kult Sinema |
Bu gün Azərbaycan kinematoqrafiyasının, teatrının dayaq sütunlarından olan xalq artisti Fuad Poladovun 68 yaşı tamam olur.
Axar.az xatırladır ki, Fuad Poladov 1948-ci il mayın 24-də Bakıda anadan olub. 1967-72-ci illərdə ADİİ-nin Dram və kino aktyorluğu fakültəsini bitirib. Sənətə 1966-cı ildə "İstintaq davam edir" filmində çəkildiyi Səlim rolu ilə gəlib.
Fuad Poladov "Qayınana" (Ayaz), "Qara Volqa" (Səlimzadə), "Güllələnmə təxirə salınır!" (Xan), "İşarəni dənizdən gözləyin" (Komandan) kimi filmlərdə unudulmaz rollar yaradıb.
Aktyor "Qılınc və qələm" (Nizami), "Şah Qacar" (Şah Qacar), "Müsyö Jordan və dərviş Məstəli şah" (Şahbaz bəy), "İblis" (İblis), "Şah oyunları" (Kardinal Vulsi) və başqa tamaşalarda yaratdığı obrazlarla sevilib.
1987-ci il martın 20-də xalq artisti fəxri adı alan Fuad Poladov 2015-ci ildə "Aktrisa" filminə görə "Ən yaxşı kişi rolunun ifası" nominasiyasında "Qızıl Pəri" mükafatına layiq görülüb
Tarix
2016.05.24 / 16:19
|
Müəllif
Aqşin Evrən
|