Ana səhifə Gündəm |
Rusiya istəmir ki, Qarabağda müharibə olsun.
Axar.az xəbər verir ki, bunu "Moskva-Bakı" portalına açıqlamasında rusiyalı politoloq Sergey Karaqanov söyləyib. Onun sözlərinə görə, Rusiya hər iki dövlətə onun üçün silah verir ki, burada müharibə olmasın. O, ATƏT-in Qarabağ probleminə heç bir xeyrinin dəyməyəcəyini bildirib:
"ATƏT nəzəri cəhətdən istifadə edilə bilər, amma bu təşkilat əsil neytral və təhlükəsizlik təşkilatına çevrilməlidir. Hələlik o, Qərbin maraqlarını əks etdirir. Ukrayna böhranına qədər mən düşünürdüm ki, ATƏT-i bağlamaq lazımdır. Lakin sonradan gördüm ki, o, Ukraynada nə isə etməyi bacardı".
O, Rusiyanın artıq sovet nostalgiyasından ayrılma zamanının çatdığını bildirib:
"Məhz bu nostalgiya bizim Ukraynaya münasibətimizi müəyyən etdi. İndi daha regional siyasət lazımdır. Məsələn, belə bir mif var ki, Rusiya Mərkəzi Asiyanı əlində saxlamalıdır. Bəli, biz burada təhlükəsizliyi dəstəkləməliyik, lakin bu ölkələrin özləri öz əməllərinə görə cavab verməlidirlər. Bizim müttəfiqlərimiz və ittifaqlarımız var. Onların arasında yalnız sərfəlilər qalmalıdır. Həm Kollektiv Təhlükəsizlik Müqaviləsi Təşkilatına, həm də Avrasiya İttifaqına yalnız bir-iki dövlət əlavə etməliyik. Bu ittifaqlar konkret məzmuna malik olmalıdır".
Tarix
2016.05.25 / 08:15
|
Müəllif
İlkin Həsənov
|