Suriyada davam edən hava əməliyyatlarında bu günə qədər 28 min İŞİD və Nüsrə Cəbhəsi üzvü öldürülüb.

Axar.az xəbər verir ki, bunu Rusiya Təhlükəsizlik Şurasının üzvü Yevgeni Lukyanov açıqlayıb.

Çeçenistanın paytaxtı Qroznıda təşkil edilən təhlükəsizlik konfransında jurnalistlərin suallarını cavablandıran Lukyanov Suriya ordusunun da əməliyyatlarda fəal iştirak etdiyini deyib:

"Təxminlərimizə görə, keçən il 30 sentyabrda hava əməliyyatları başlayanda təxminən 80 min İŞİD və Nüsrə terrorçusu var idi. Bu günə qədər 28 mini öldürülüb".

Lukyanov ABŞ liderliyindəki koalisiya qüvvələrinin son iki ildə təşkil etdiyi əməliyyatlarda 5 min terrorçunun öldürüldüyünü bildirib.