Yuxarı

Mətbuat Şurası Ukraynaya müraciət etdi - Bəyanat

Ana səhifə Gündəm
12 Punto 14 Punto 16 Punto 18 Punto

Azərbaycan Mətbuat Şurası Ukraynanın "Mirotvorets" Tədqiqatlar Mərkəzinin öz saytında yerli və xarici jurnalistləri terrorizmə dəstəkdə ittiham etməsi və onların fərdi məlumatlarını açıqlaması ilə bağlı bəyanat yayıb.

APA-nın məlumatına görə, bəyanatda bildirilir ki, Ukraynanın "Mirotvorets" Tədqiqatlar Mərkəzi öz saytında davamlı olaraq yerli və xarici jurnalistləri "Donetsk Xalq Respublikası" (DXR) və "Luqansk Xalıq Respublikası" (LXR) adlanan quruluşlarla əməkdaşlıqda günahlandıraraq, onları terrorizmə dəstəkdə ittiham edir və fərdi məlumatlarını açıqlayır.

"Bu günə kimi dünyanın aparıcı KİV-inin nümayəndələri də daxil olmaqla, 5 minə yaxın jurnalist barədə informasiya açıqlanıb.

"Mirotvorets" hesab edir ki, həmin jurnalistlər "DXR" və "LXR" ərazisinə səfər etməklə, həmin quruluşlarda akkreditasiyadan keçməklə Ukraynanın ərazi bütövlüyünü təhdid edir, separatizmin və terrorçuluğun genişlənməsinə xidmət göstərirlər.

Bir müddət öncə mərkəz tərəfindən açıqlanmış yeni siyahıda müxtəlif ölkələrdən olan 293 nəfər jurnalistin, o cümlədən Azərbaycan KİV-ini təmsil edən 11 nəfərin adı və fərdi məlumatları əks etdirilib.

Mətbuat Şurası məsələ ilə bağlı xüsusi araşdırma aparıb və müəyyən edib ki, adları həmin siyahıda əks olunmuş Azərbaycan jurnalistlərinin heç biri sözügedən ərazilərdə olmayıb və akkreditasiya üçün bu quruluşlara müraciət etməyib. Onların fəaliyyətində Ukraynanın ərazi bütövlüyünə xələl gətirəcək, qeyri-qanuni əməl kimi səciyyələndirilə biləcək fakt aşkar olunmayıb. O da müəyyən edilib ki, həmin jurnalistləri terrorçuluğa, separatçılığa dəstək verməkdə ittiham edən "Mirotvorets" təşkilatı buna əsas kimi KİV nümayəndələrinin Rusiya XİN-də akkreditasiyadan keçməsi və bu ölkə ərazisində fəaliyyət göstərməsi amilini rəhbər tutub.

Mətbuat Şurası bəyan edir ki, "Mirotvorets" təşkilatının çoxlu sayda jurnalistin həyat və təhlükəsizliyini təhdid edən bu tipli fəaliyyəti beynəlxalq qanunvericiliyin tələblərinə, etik qaydalara və humanizm prinsipinə tamamilə ziddir. Jurnalistin qanunlar çərçivəsində fəaliyyətini məhdudlaşdırmaq cəhdi yolverilməszdir və heç bir sağlam məntiqlə izah oluna bilməz.

Mətbuat Şurası jurnalistlərin həyatını təhlükə altına alan bu tipli fəaliyyətə son qoyulması tələbi ilə Ukrayna hakimiyyətinə və bu ölkənin Azərbaycandakı səfirliyinə müraciət edəcək", - deyə bəyanatda vurğulanır.

Tarix
2016.05.26 / 22:03
Müəllif
Axar.az
Şərhlər
Digər xəbərlər

Əskipara sakinləri narahatdır: Getmək istəmirik - Video

Bu video Musəvinin başına dərd açdı: İstefası tələb edildi

Araikin müsahibəsi buna görə yayımlanmadı - Sensasion iddia

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

Bu, Bakıya təhdiddir: hazırlaşmalısınız – Mixaylov

Makronun “revanş” cəhdi Nikolu niyə qorxutdu?..

Nikolun Qarabağ qərarından sonra Putin ona dedi ki… - Lavrov

Bu, Azərbaycanın siyasi cəsarətini nümayiş etdirdi - Video

Fransa universitetində Bakının siyasətindən danışıldı

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla