Ana səhifə Planet |
2030-cu ildə Rusiya Marsı müstəmləkəyə çevirəcək.
Kosmonavtlar Ayda günəş enerjisi ilə işləyən baza və elmi
laboratoriya tikəcəklər.
Publika.az xəbər verir ki, bu haqda Rusiya
kosmik agentliyinə istinadən edən Belçikanın "European Council on
Foreign Relations" nəşrində deyilir.
Nəşr Rusiyanın "yerdəki" vəziyyətini təxmin etməyə çalışıb. Qeyd
edilir ki, 2030-cu ildə Prezident Vladimir Putinin 78 yaşı olacaq
və həmin vaxt o, artıq hakimiyyətdə olmaya bilər. Nəşr
rusiyalıların beş milyon azalacağını, iqtisadiyyatın zəif
artacağını yazıb.
Beynəlxalq səhnədə Rusiyanın mövqeyi necə
olacaq?
Qeyd edilir ki, Rusiyanın davranışını qabaqcadan proqnozlaşdırmaq
çətindir və son bir neçə ildə bunu etmək daha mürəkkəb olub:
"2008-ci ildə Gürcüstanla müharibə, 2014-cü ildə Ukraynaya müdaxilə
və 2015-ci il Suriya kampaniyası siyasi rəhbərləri və analitikləri
qəflətən yaxaladı. Moskva kobud hərəkətləri ilə dünyanı
təəccübləndirməyi öyrənib. Rusiya son illərdə daha inadkar və
davakar xarici siyasət həyata keçirir. Bunun arxasında Avropada
təhlükəsizlik prinsiplərini təkrar gözdən keçirmək və Rusiyanı
yenidən qlobal gücə çevirmək cəhdi gizlənir. Gürcüstan və Ukraynada
təsir sahəsinin yaradılmasına çalışılır ki, onlar NATO və Avropa
Birliyinin üzvü olmasınlar".
Nəşr bildirir ki, Putinin birinci iki prezidentliyi müddətində onun
qanunauyğunluğu əsasən görünməmiş iqtisadi artımın hesabına təmin
olunurdu: "Neft qiymətlərinin düşməsindən sonra bu daha mümkün
deyil. Putin hazırda iqtisadi bədbəxtliklərdən insanların diqqətini
yayındırmağa və Rusiya militarizmi ilə özünə qanunauyğunluğu təmin
etməyə çalışır. Kreml hesab edir ki, müəyyən ölçüdə Qərblə düşmən
münasibətlər onun maraqlarına xidmət edir. Bu təcavüzkar xarici
siyasətin həyata keçirilməsi və ölkə daxilində nəzarətin
sərtləşdirilməsinə bəhanə verir. Amma yaxşı xəbər ondan ibarətdir
ki, Rusiya Qərblə tammiqyaslı hərbi qarşıdurmaya cəhd etmir.
Rusiyaya mühasirə mentalitetini formalaşdırmaq və xalq dəstəyini
almaq üçün kiçik münaqişələr və böhranlar lazımdır. Pis xəbər ondan
ibarətdir ki, əgər Kreml qanunauyğunluğun alternativ modelini
tapmasa, gərginlik çətin ki, azalsın".
Nəşr qeyd edir ki, Rusiya xarici siyasətində tez-tez hərbi gücə
qaçacaq: "Suriya, Ukrayna və Gürcüstandakı hərbi macəralarından
Moskva dərs çıxardı ki, hərbi güc diplomatik və siyasi hədəflərə
çatmağa kömək edən effektiv xarici siyasət aləti ola bilər. Rusiya
Gürcüstanı NATO-ya giriş şanslarından məhrum etməyi bacardı. O,
hibrid metodları tətbiq edərək Krım yarımadasını müvəffəqiyyətlə
zəbt etdi. Suriyada müttəfiqinin siyasi prosesdə əvəzolunmaz güc
kimi möhkəmlənməsinə nail oldu. Ancaq Rusiya bilir ki, hərbi gücün
öz çatışmazlıqları və riskləri var. O, Donbasda ilişdi və Suriyada
bu səhvi təkrarlamağı arzulamır".
Tarix
2016.05.26 / 23:51
|
Müəllif
Axar.az
|