Ana səhifə Toplum |
Göyçay rayonunda yol-nəqliyyat hadisəsi baş verib, sürücü xəsarət alıb.
Report-un verdiyi məlumata görə, hadisə Bakı-Şamaxı-Yevlax magistral yolunun Göyçay rayon Mirzəhüseynli kəndinin ərazisindən keçən hissəsində baş verib.
Ağdaş rayonundan Göyçay rayonu istiqamətində hərəkət edət edən "Hunday İX 35" markalı 90 AP 579 dövlət qeydiyyat nişanlı minik maşınını idarə edən Etibar Abduyev idarəetməni itirərək yoldan çıxıb və maşın aşıb. Hadisə zamanı Etibar Abduyev müxtəlif dərəcəli ağır bədən xəsarətləri ilə dərhal Göyçay Rayon Mərkəzi Xəstəxanasına (RMX) aparılıb. Xəstəxanada ilkin tibbi yadım göstərildikdən sonra Bakıdakı xəstəxanaların birinə göndərilib. Hadisəyə səbəb isə magistral yolda maşının önünə iribuynuzlu mal-qaranın çıxması olub.
Etibar Abduyev Ucar Rayon Polis Şöbəsinin rəisidir. Qəza zamanı Ucar rayonuna işə gedirmiş və həmin anda avtomaşını özü idarə edirmiş.
E.Abduyev Daxili İşlər Naziri, general-polkovnik Ramil Usubovun müvafiq əmri ilə 14 may 2016-cı ildə Qəbələ Rayon Polis Şöbəsinin rəisi vəzifəsindən azad edilərək Ucar RPŞ-ə rəis təyin edilib.
Tarix
2016.05.27 / 15:39
|
Müəllif
Axar.az
|