Azərbaycan Demokratiya və Rifah (ADR) Hərəkatı "Bank sisteminin sağlamlaşdırılması və problemli kreditlərin həlli"nə dair hazırladığı 24 maddəlik Tövsiyələr Paketini Prezidentin İqtisadi islahatlar üzrə köməkçisi Natıq Əmirova, Mərkəzi Bankın sədri Elman Rüstəmova, Maliyyə Bazarlarına Nəzarət Palatasının sədri Rüfət Aslanlıya, Azərbaycan Banklar Assosiasiyasının sədri Zakir Nuriyevə və Mikromaliyyələşdirmə Assosiasiyasının icraçı direktoru Jalə Haciyevaya təqdim edib.

Axar.az xəbər verir ki, bu barədə iqtisadçı Qubad İbadoğlu öz Feysbuk hesabında yazıb.

ADR rəhbəri bildirib ki, tezliklə ekspertlərin iştirakı ilə 2016-cı ilin yanvarın 25-də müzakirəyə çıxardığı tövsiyyələr diqqətə alınacaq və onların tətbiqinə başlanılacaq.

Qeyd edək ki, Prezidentin İqtisadi islahatlar üzrə köməkçisi Natiq Əmirov Azərbaycan Demokratiya və Rifah (ADR) Hərəkatının "İqtisadiyyatda əsas və təxirəsalınmaz tədbirlər Paketi"nə baxılması barədə müraciətinə 10 fevral 2016-cı il tarixli cavab məktubu göndərmiş və təkliflərin dəyərləndiriləcəyini qeyd etmişdi.