Ana səhifə Toplum |
Güney Azərbaycandan olan milli-mədəni fəallar Qəzvində yaxalanan Suheyla Kargərin azadlığa buraxılması tələbi ilə Teleqram sosial şəbəkəsində imzatoplama kampaniyasına başlayıblar.
Axar.az Günaz TV-yə istinadən xəbər verir ki, artıq kampaniyaya minlərlə insan qoşulub.
Qeyd edək ki, S.Kargər Güney Azərbaycanın Qəzvin şəhərində ETTELAAT (İran Kəşfiyyat Nazirliyi) əməkdaşları tərəfindən saxlanılıb. Belə ki, özlərini elektrik sayğacını yoxlayan şəxs kimi təqdim edən ETTELAAT əməkdaşları evə daxil olduqdan sonra fəalı yaxalayıb və onu döyərək əllərinə qandal vurublar. Qanunsuz olaraq evə girən ETTELAAT əməkdaşları axtarış aparıb və azərbaycanlı fəala aid bir çox şəxsi əşya, o cümlədən kompüter, mobil telefon, fləş kart, CD və bir neçə kitabı özləri ilə aparıblar. Mayın 15-də yaxalanan fəal Evin zindanına salınıb.
Kompüter mühəndisi olan S.Kargər son seçkilərdə İran parlamentinə Qəzvindən öz namzədliyini irəli sürmüşdü. Namzədliyi qanunsuz olaraq qeydə alınmayan fəal bundan qısa müddət sonra naməlum səbəbdən tutuqlanıb.
İmzatoplama kampaniyası bu link vasitəsilə aparılır.
Tarix
2016.05.27 / 18:14
|
Müəllif
İlkin Həsənov
|