Ötən ilin 17 dekabrında Ermənistan hökumətinin aparat rəhbəri David Arutyunyan bütün məmurları, o cümlədən nazirləri dövlət büdcəsi hesabına biznes-klaslarda uçmağı dayandırmağa çağırıb.

Axar.az "Joxovurd" qəzetinə istinadən xəbər verir ki, bu çağırışa Ermənistanın Diaspor Nazirliyi məhəl qoymayıb.

Bu ilin 29 fevralında nazirlik İrəvan-Beyrut-Dubay-İrəvan reysinə biletə 1 milyon 296 min dram (2700 dollar – red.) ödəyib. Sözügedən marşrut ekonom-klasda iki dəfə ucuz başa gəlir.

Bileti alanın isə Qranuş Akopyan olduğu bildirilib.

O, qəzetə açıqlamasında biznes-klasda uçmaq hüququ olduğunu və heç kimin buna qadağa qoymadığını deyib.