Ana səhifə Gündəm |
Millət vəkili Q.Paşayeva Montserrat Qanunverici Assambleyasının sədri Şirley Osbourn Mla ilə görüşüb.
Axar.az xəbər verir ki, Azərbaycanın Montserrat ilə əlaqələrin və dostluğun inkişafına önəm verdiyini deyən millət vəkili Montserrat Qanunverici Assambleyasının sədri Şirley Osbourn Mlaya Azərbaycanda qadınların cəmiyyətdə rolunun artırılması istiqamətində görülən işlər və Azərbaycan həqiqətləri ilə bağlı məlumatlar verib.
Həmçinin Dağlıq Qarabağ münaqişəsi ətrafında son vəziyyətdən də danışıb və Ermənistanın işğal etdiyi Azərbaycan torpaqlarında törətdiyi vandalizm aktları ilə bağlı assambleya sədri məlumatlandırılıb.
Montrserratla Azərbaycanın qadın siyasətçləri, iş adamları, qeyri-hökumət, KİV nümayəndələri arasında münasibətlərin və qarşılıqlı səfərlərin vacibliyi, münasibətlərin, əməkdaşlığın inkişafı üçün prespektivlər olduğu vurğulanan görüşdə iki ölkə arasında qarşılıqlı dəstəyin və əməkdaşlığın daha da sürətlənəcəyinə inam ifadə edilib. Qənirə Paşayeva Şirley Mlaya Azərbaycanın iqtisadi potensialı, mədəniyyəti ilə bağlı da məlumat verib, Azərbaycanın tarixi, mədəniyyəti, Dağlıq Qarabağ münaqişəsi, Xocalı soyqırımı həqiqətləri ilə bağlı materiallar hədiyyə edib.
Tarix
2016.05.29 / 13:47
|
Müəllif
Axar.az
|