Hindistan terrorizmlə mübarizədə Pakistana yardım etməyə hazırdır.

Axar.az xəbər verir ki, bunu jurnalistlərə açıqlamasında Hindistanın Daxili İşlər naziri Racnatx Sinqx söyləyib. Onun sözlərinə görə, Pakistan bu məsələdə Hindistana güvənə bilər. O, həmçinin, son iki ildə Pakistandan Hindistana terrorçuların keçidinin 52% azaldığını da bildirib.

Qeyd edək ki, Pakistan və Hindistan uzun illərdir Kəşmir uğrunda mübarizə aparırlar. Tərəflər arasında bu ərazinin ələ keçirilməsi üçün bir neçə dəfə genişmiqyaslı müharibə də olub. Hindistan bundan öncə Pakistanı dəfələrlə terrorizmin əsas maliyyəçilərindən biri adlandırıb.