Kimsə iddia səsləndirirsə, bununla bağlı sübut ortaya qoymalıdır.

Axar.az xəbər verir ki, bu sözləri Rusiya Xarici İşlər nazirinin müavini Mixail Boqdanov Türkiyə Prezidenti Rəcəb Tayyib Ərdoğanın Rusiyanın PKK-ya silah dəstəyi verməsi ilə bağlı səsləndirdiyi fikirlərə münasibət bildirərkən deyib.

Onun sözlərinə görə, Rusiya heç bir silahlı qruplaşmaya yardım etmir:

"Kimsə iddia səsləndirirsə, bununla bağlı sübut ortaya qoymalıdır. Rusiyanın PKK-ya silah göndərməsi ilə bağlı heç bir fakt yoxdur".

Xatırladaq ki, Ərdoğan Diyarbəkirdən qayıdan zaman təyyarədə jurnalistlərin suallarını cavablandırıb. O, PKK-nın birbaşa Rusiyadan hərbi yardım aldığını iddia edib.