Mən – Renad Mahir oğlu Əliyev, bütün ailə üzvlərimiz, o cümlədən anam hazırda ailəmizlə heç bir əlaqəsi olmayan Riyad Əliyevdən imtina etmişik.

Bu sözləri 4-cü dan qara kəmər ustası, məşqçi Renad Əliyev xaricdə yaşayan qardaşı Riyad Əliyevin ölkəmiz əleyhinə təbliğatına cavab olaraq Axar.az-a deyib. Onun sözlərinə görə, 1975-ci il təvəllüdlü qardaşının fikirləri iftira və böhtandır:

"Xaricdə oturub prezidentimizə, dövlətimizə böhtan atmaqla məşğuldur. Bu cür alçaq, sərsəm və axmaq sözləri ancaq ruhi xəstə olan adam deyə bilər. Biz hər zaman dövlətimizlə, prezidentimizlə fəxr etmişik. Heç kəsə sirr deyil ki, hazırda Azərbaycanın nüfuzu necə böyüyüb və bunların hamısı da prezidentimizin sayəsindədir".

Qeyd edək ki, özünü Təfəkkür Universitetinin təsisçilərindən biri və bu universitetin Kiyev filialının rektoru adlandıran R.Əliyev barəsində Təfəkkür Universiteti rəhbərliyinin şikayəti əsasında cinayət işi açılıb.

Dələduzluqda təqsirləndirilən Riyad Əliyev İnterpolun xətti ilə axtarışdadır.