Putinin bizi əsassız təhdid etməsi Rumıniyanın NATO-nun təhlükəsizlik ittifaqının güclənməsində doğru yol tutduğunu göstərir.

Axar.az xəbər verir ki, bunu jurnalistlərə açıqlamasında Rumıniya Prezidenti Klaus Yohannis söyləyib. Onun sözlərinə görə, ABŞ-ın Rumıniyadakı raketdən müdafiə sistemləri Rusiyaya qarşı yönəlməyib. O, Moskvanın təhdidlərinin Rumıniyanı qorxutmadığını söyləyib.

Qeyd edək ki, bundan öncə Rusiya Prezidenti Vladimir Putin ABŞ raketdən müdafiə sistemlərinin Rumıniyada yerləşdirilməsini tənqid edib. O, tezliklə buna cavab verəcəyini və hər iki ölkəni eyni taleyin gözlədiyini bilidirib.