Ana səhifə İqtisadiyyat |
Bu gün Vyanada OPEK-ə üzv ölkələrin növbəti görüşü baş tutacaq.
Axar.az xəbər verir ki, üzv ölkələr hasilatın azaldılması, bazarlarda qiymətlərin bərpasını müzakirə edəcək.
Neft ölkələrinin apreldə baş tutan görüşündə Səudiyyə Ərəbistanı və İran arasındakı fikir ayrılığına görə razılaşma əldə olunmayıb.
Adını açıqlamayan Səudiyyə rəsmiləri Ər-Riyadın OPEK ölkələri ilə artan problemlərini azaltmaq üçün əldə olunacaq hər hansı bir razılaşmanı nəzərdən keçirəcəyini bildirib.
"Səudiyyə Ərəbistanı hər kəsin düşündüyünün əksinə olaraq, əməkdaşlığa hazırdır", - İngiltərənin "Enerji Əspekt" şirkətinin baş analitiki Amrita Sen "Blumberq" agentliyinə deyib.
Bəzi analitiklər isə iddia edir ki, OPEK ictimaiyyətə və bazarlarda qiymətlərə müsbət təsir etməsi üçün formal da olsa, birlik nümayiş etdirəcək.
Qeyd edək ki, birjalarda neftin qiyməti 2014-cü ilin iyunundan etibarən ucuzlaşmağa başlayıb. Neftin ucuzlaşmasına başlıca səbəb kimi hasilatın çoxluğu göstərilir.
Tarix
2016.06.02 / 10:28
|
Müəllif
İlham Sahiloğlu
|