Bu gün Böyük Quruluş Partiyasının (BQP) V qurultayı keçirilib.

BQP-dən Axar.az-a verilən məlumata görə, qurultay iştirakçıları ilk olaraq Şəhidlər Xiyabanını və Türk Şəhidliyini ziyarət ediblər.

Daha sonra işə başlayan toplantını BQP Ali Məclisinin sədri Əjdər Əliyev açıq elan edib. Sonra Qurultaya Hazırlıq üzrə Təşkilat Komitəsinin, BQP başqanı Fazil Mustafanın, Ali Məclisin və Ali Nəzarət Qurulunun sədrlərinin hesabatları dinlənilib.

Cari məsələlərin müzakirəsindən sonra partiya başqanı vəzifəsinə seçkilər keçirilib. Fazil Mustafa yekdilliklə yenidən 4 il müddətinə BQP başqanı seçilib.

Sonda qurultay adından Dağlıq Qarabağdakı mövcud vəziyyətə və Almaniya Bundestaqının "erməni soyqırımı" ilə bağlı qərarına dair qətnamələr qəbul olunub.