Ana səhifə Toplum |
Bu gün Şəkidə yağan dolu və güclü yağış küləklə müşayiət olunub. Hətta vəziyyət o yerə çatıb ki, sürücülər maşınları saxlamalı olublar. Bəzi kəndlərdə leysan və doluya görə sel də yaranıb. Bənzər hava Tovuzun da dağ kəndlərində müşahidə olunub.
Xəzərxəbər-in məlumatına görə, günorta saatlarında güclü külək və leysan, hətta dolu ağacları aşırıb, budaqları sındırıb.
Şahidlərin sözlərinə görə, əvvəlcə yağış yağmaya başlayıb, arxasınca güclü külək əsib. Yağıntı leysan və doluya da çevrilib, görmə məsafəsi xeyli azalıb. Bəzi sürücülər yolda olarkən doluya tutulub, avtomobilləri saxlamalı olublar.
Şəki regional Hidrometeorologiya müəssisəsindən verilən məlumata görə, dolu əsasən Şin, Şorsu və Aşagı Qaradaglı kəndlərində müşahidə olunub.
Yağıntılı hava şəraiti şimal-qərb bölgəsi ilə yanaşı, qərb bölgəsində də müşahidə olunub.
Videodakı kadrlar Tovuz rayonunun Sofular kəndindəndir. Sakinlərin bildirdiyinə görə, diametri azı 5-6 santimet olan dolu damlarin şifer örtüyünə xeyli ziyan vurub. Əkinə və meyvə bağlarına da ciddi ziyan dəyib.
Mövzu ilə bağlı daha ətraflı videomaterialı təqdim edirik:
Tarix
2016.06.05 / 01:12
|
Müəllif
Axar.az
|