Binəli Yıldırım Türkiyə Baş naziri kimi ilk dəfə ata ocağını ziyarət edib.

Axar.az "Anadolu Agentliyi"nə istinadən xəbər verir ki, Yıldırım Ərzincan vilayətinin Qayı kəndində uşaqlarla Ümumdünya Ətraf Mühitin Mühafizəsi Günü münasibətilə yürüyüşə qatılıb, mahnı oxuyub, şəkil çəkdirib.

Bulaqdan su içən Yıldırım yağışın yağması ilə çadıra girib.

Daha sonra jurnalistlərə açıqlama verən Yıldırım Türkiyənin hədəflərindən danışıb:

"Türkiyə dünyanın ilk 20 iqtisadiyyatı arasına girməyi bacardı. Hədəfimiz 2023-cü ildə ilk 10 iqtisadiyyat arasına girməkdir. Xüsusilə, terror hadisələrindən sonra Türkiyənin şərqində iqtisadiyyatı gücləndirmək üçün addımlar atacağıq".