İranda cinsi təcavüzdə və qətldə günahlandırılaraq ölüm hökmünə məhkum edilən daha 2 nəfər ictimaiyyət qarşısında edam edilib.

Mir.az-ın məlumatına görə, hər iki müttəhim iyunun 5-i sübh saatlarında İranın Şiraz şəhərinin küçələrindən birində ictimaiyyət qarşısında dar ağacından asılıb.

Adı mediaya açıqlanmayan müttəhimlərdən biri, bir neçə il ərzində gecələr gizli şəkildə evlərə daxil olaraq oğurluqla yanaşı, onlarla qadına təcavüz etməkdə təqsirli bilinib.

Bir qadını zorladıqdan sonra qətlə yetirməkdə günahlandırılan digər müttəhimin isə adı Muctaba G. kimi mediaya işıqlandırılıb. Hər iki şəxs dar ağacı kimi istifadə edilən iki krandan asılıb.

Qeyd edək ki, İran İslam Respublikası, dünyada öz vətəndaşlarına çıxardığı ölüm hökmlərinin sayına görə Çindən sonra ikinci yeri tutur.