Ana səhifə Planet |
Rusiya hakimiyyəti ciddi şəkildə Qərblə hərbi konflikt ssenarilərini nəzərdən keçirir.
Axar.az xəbər verir ki, bu sözlər rusiyalı jurnalist Yevgeni Kiselyovun "Exo Moskva" saytındakı məqaləsində yer alıb. Onun sözlərinə görə, Rusiya-NATO müharibəsi Baltikyanıda başlayacaq:
"Qərb diplomatları dəfələrlə mənə bəyan ediblər ki, Kreml hərbi konflikt olacağı halda qorxutma taktikasına yönələcək. O, bir neçə dəfə kiçik gücə malik olan taktiki nüvə silahından istifadə edəcək. Bundan sonra həmin insident hansısa başıxarab generalın ayağına yazılacaq. Bununla da Qərb şeytani alternativlə üz-üzə qoyulacaq. Bir sözlə, ya Moskvanın bütün xahişləri rədd edilib cavab zərbəsi endiriləcək, ya da ki, Qərb NATO nizamnaməsinin 5-ci bəndini yerinə yetirməkdən imtina edəcək. Bu isə, sözsüz ki, NATO-nun mövcudluğu üçün təhdid olacaq".
Qeyd edək ki, NATO nizamnaməsinin 5-ci bəndinə əsasən, Alyansın hər hansı üzv ölkələrindən birinə hücum olarsa, o zaman qalan bütün üzv ölkələr onu qorumağa məcburdur.
Tarix
2016.06.06 / 17:30
|
Müəllif
İlkin Həsənov
|