Ana səhifə Toplum |
Avropa Birliyinin dəstəyi ilə İqtisadi və Sosial İnkişaf Mərkəzi (CESD) tərəfindən "Azərbaycanda vətəndaş cəmiyyəti-media-hökumət və özəl sektorun səyləri ilə hərəkət imkanları məhdud insanların yaşam şəraitinin yaxşılaşdırılması və hüquqlarının qorunmasının gücləndirilməsi" layihəsi çərçivəsində iyunun 2-dən Şəmkirdə, 3-də isə Goranboyda başlayan tədbirlər dünən başa çatıb.
Axar.az xəbər verir ki, təlimdə Şəmkir rayonu icra hakimiyyətinin, DSMF, ƏSMM, Məşğulluq idarəsinin nümayəndələri, müxtəlif qrup əlilliyi olan insanlar iştirak ediblər.
Ombudsman Aparatı Gəncə Regional Mərkəzinin rəhbəri Səbuhi Abbasov "Əlillərin hüquqlarının müdafiəsi ilə bağlı mövcud qanunvericilik" mövzusunda təqdimat edib. Təlim zamanı mövcud Ombudsman təsisatının əlillərin fəaliyyətinin qorunmasında fəaliyyəti və əlillərin hüquqlarının müdafiəsi sahəsində beynəlxalq və ölkədaxili standartlar barədə məlumat verilib, əlilliyi olan şəxslərin yaşam şəraitinin yaxşılaşdırılması ilə bağlı müxtəlif təklif və təşəbbüslər səslənib.
Goranboyda keçirilən təlimdə isə rayon icra hakimiyyəti, DSMF, ƏSMM, Məşğulluq idarəsinin nümayəndələri, müxtəlif qrup əlilliyi olan insanlar iştirak ediblər. Hüquqşünas Sahib Babayev "Əlillərin hüquqlarının müdafiəsi ilə bağlı mövcud qanunvericilik" mövzusunda təqdimat edib, əlillərin hüquqlarının müdafiəsi sahəsində beynəlxalq və ölkədaxili standartlar barədə məlumat verib.
Hər iki təlim interaktiv formada keçirilib və bütövlükdə 50-dən artıq nümayəndə iştirak edib.
Tarix
2016.06.07 / 10:29
|
Müəllif
Aygün Yusibova
|