Moskvada keçirilən "Art-Futbol" çempionatında iştirak edən türkiyəli məşhur aktyor, jurnalist və futbolçular Rusiyanın Türkiyə tərəfindən vurulan Su-24 bombardmançısının həlak olan pilotu Oleq Peşkovun ailəsinə məktub göndərib.

Axar.az xəbər verir ki, məktubu Ərsin Qorqud, Cansəl Elçin, Fürudin Düzağac, İbrahim Kəndirci, Sarp Apak və digər məşhurlar imzalayıb.

Sənətçilər sözügedən hadisənin onları üzdüyünü bildiriblər:

"Rusiya ilə Türkiyə arasında münasibətlər üçüncü ölkəni qısqandıracaq həddə çatdığı bir vaxtda heç kimin arzulamadığı, türk xalqının "kaş olmazdı", dediyi hadisə baş verdi. Bu hadisə rus xalqı qədər bizi də üzdü və iki xalqın arasına girə bilməz. Bizim belə bir atalar sözümüz var: "Ağrılar bölüşəndə azalır". Bu hadisənin millət olaraq bizi üzdüyünü bilməyinizi istəyirik".

Qeyd edək ki, Türkiyə ötən il noyabrın 24-də sərhədlərini pozduğu üçün Rusiyanın Su-24 bombardmançısını vurub. Hadisə zamanı bombardmançının pilotu Oleq Peşkov katapult etsə də, yerdən atılan atəş nəticəsində öldürülüb.