Ana səhifə Gündəm |
Türkiyə ermənilərinin patriarxlığı Almaniya Bundestaqının "soyqırım" qərarına kəskin etiraz edib.
Axar.az xəbər verir ki, patriarxlığın baş yepiskopu Aram Atəşyan Türkiyə Prezidenti Rəcəb Tayyib Ərdoğana ünvanladığı məktubda Bundestaqın qərarından təəssüfləndiyini bildirib.
O, "soyqırım" məsələsindən Türkiyəni cəzalandırmaq üçün istifadə edildiyini deyib:
"Bundestaqın verdiyi qərar bizi kədərləndirdi. Türkiyə ermənilərinin patriarxlığı dövlətə qarşı öhdəliyini hər zaman qüsursuz yerinə yetirib. Alman parlamentinin haqqı olmadığı məsələdə fikir bildirməsi və bunu rəsmiləşdirməsi qəbul edilə bilməz. Bu məsələ beynəlxalq arenada Türkiyəni və türk millətini günahlandırmaq və cəzalandırmaq üçün bir vasitə kimi istifadə olunur. Hazırki mənzərə erməni millətinin imperialist qüvvələr tərəfindən necə istifadə edildiyini göstərir. Türklər və ermənilər eyni regionda yaşamağa məcburdurlar. Biz Türkiyə və Ermənistan münasibətlərinin daima yaxşı olması üçün dua etməyə davam edəcəyik".
Qeyd edək ki, Almaniya Bundestaqı iyunun 2-də 1915-ci il hadisələrini "erməni soyqırımı" kimi tanıyan qətnamə qəbul edib.
Tarix
2016.06.07 / 15:30
|
Müəllif
İlham Sahiloğlu
|