Əfqanıstan Hakkani Şəbəkəsi terror təşkilatının liderlərindən biri öldürülüb.

Axar.az xəbər verir ki, bu barədə informasiyanı Əfqanıstan mətbuatı yayıb. Mətbuat öldürülən şəxsin adının Səracuddin Hadəmi olduğunu bildirib. O, terror təşkilatının silah təchizatına cavabdeh olub. Hadəmi Paktika vilayətində pilotsuz aparatın açdığı atəş nəticəsində məhv edilib.

Qeyd edək ki, Hakkani Şəbəkəsi 2012-ci ildə ABŞ tərəfindən terror təşkilatı kimi tanınıb, Taliban və Əl Qaidə ilə sıx əlaqələrə malikdir. Təşkilatın yaradıcısı Cəlaləddin Hakkani 80-ci illər Əfqanıstan müharibəsinin əsas liderlərindən biri hesab edilib. Uzun müddət Mərkəzi Kəşfiyyat İdarəsi və bir sıra ərəb ölkələri tərəfindən maliyyələşdirilib. Hakkani keçən il öldürülüb.