Rusiya Avropa Birliyinə münasibətdə "parçala və hökm sür" siyasətindən istifadə edir.

Axar.az xəbər verir ki, bunu "Faynənşl Tayms" qəzetinə müsahibəsində Çexiya Xarici İşlər naziri Lyubomir Zaoralek söyləyib. Onun sözlərinə görə, Moskva açıq şəkildə Avropadakı sağçılar və millətçilərə dəstəyini artırır:

"Avroskeptiklər və millətçilərə münasibətdə tətbiq edilən siyasət Avropanın zəiflədilməsi istiqamətində Putin strategiyasının bir parçasıdır. Rusiya bizim zəif tərəflərimizdən yararlanır. Biz buna cavab vermək üçün imkan tapmalıyıq. Rusiyanın bundan sonrakı siyasəti "parçala və hökm sür"dür. Britaniyanın Avropa Birliyindən çıxması da Kremlin əlinə işləyəcək".