Ana səhifə Gündəm |
Rusiyanın Ryazan vilayətində keçiriləcək AVİADARTS-2016 müsabiqəsində Azərbaycandan olan pilotlar da iştirak edəcək.
ANS-in məlumatına görə, "Dubroviçi" aviapoliqonunda baş tutacan müsabiqədə Rusiya hərbi kosmik qüvvələrinin pilotlarından başqa Çin, Belarus, Qazaxıstan, Pakistan və Azərbaycan Hərbi Hava Qüvvələrindən olan komandalar iştirak edəcək.
Birinci iki yeri tutan pilotlar avtomobillə mükafatlandırılacaqlar.
AVİADARTS hərbi pilotları şərti düşmənin hava hücumundan müdafiə sistemlərinin dəf olunması, idarəolunmayan raketlər, aviasiya silahları və idarəolunan tank əleyhinə raketlər vasitəsi ilə yerdə olan hədəflərin vurulması üzrə tapşırıqları icra edəcəklər.
Azərbaycan pilotlarının qatıldığı sonuncu təlimlər "Anadolu Qartalları" olub. Mayın 30-dan başlayan təlimlərdə 7 ölkənin (Türkiyə, Azərbaycan, Avstraliya, Niderland, İtaliya, Pakistan və Səudiyyə Ərəbistanı) quru qoşunları, hərbi hava və hərbi dəniz qüvvələri bölmələri, o cümlədən NATO qərargahının nümayəndələri iştirak ediblər. Azərbaycan təlimlərdə Hərbi Hava Qüvvələrinin 3 pilotu ilə təmsil olunub.
Tarix
2016.06.10 / 12:09
|
Müəllif
Axar.az
|