Xəzər dənizinin hüquqi statusuna dair Konvensiyanın hazırlanması üzrə işçi qrupun Moskvada keçirilən 45-ci iclası başa çatıb.

Axar.az xəbər verir ki, 8-10 iyun tarixlərində baş tutan iclasda Azərbaycanı XİN müavini Xələf Xələfov təmsil edib.

Nümayəndə heyətlərinin rəhbərləri Moskva görüşünün önəmini və Xəzər dənizinin hüquqi statusunun tez bir zamanda həllinin önəmini vurğulayıblar.

Bundan əlavə, Xəzər hövzəsində dövlət sərhədlərinin yurisdiksiyası və dənizin dibindən istifadəyə dair danışıqlar aparılıb.

Razılaşdırılmış fikirlər Konvensiyanın layihəsində qeyd olunub.

Qeyd edək ki, növbəti görüş Qazaxıstanda baş tutacaq.