Ana səhifə Toplum |
Ölkədə bir neçə gün davam edən qeyri-sabit hava şəraiti fəsadlar törətməkdə davam edir. Bu dəfə təbiət Gəncəni sınağa çəkib.
ANS xəbər verir ki, yağışla müşayiət olunan güclü külək Xan bağını viran qoyub.
Xan bağında küləyin təsirindən ağac iaşə obyektinin üzərinə aşıb. Hadisə gecə saatlarına olduğundan xəsarət alan olmayıb.
"Güclü külək əsir. Ağac aşdı, vurdu, qırdı aynaları, evin damını. İndi də içəri su damır", - deyə şəhər sakini Elnur Hüseynov bildirib.
Bir neçə saat aramsız yağan yağış nəticəsində Gəncənin Sevinc, Gülüstan qəsəbələrində bəzi evlərin həyət və zirzəmisi su ilə dolub. Suyun altında qalan ev quşları tələf olub.
"Toyuğumuz, cücəmiz məhv oldu, bu iki evi də su basıb, qonşunun evini də", - deyə Gəncə sakini Valeh Salahov bildirir.
Sakinlər onlara dəyən ziyan barədə artıq şəhər rəhbərliyini məlumatlandırdıqlarını deyiblər.
Tarix
2016.06.10 / 23:09
|
Müəllif
Axar.az
|