Ana səhifə Gündəm |
Azərbaycan, Türkiyə, Moldova və Gürcüstan xalqları arasında dostluq əlaqələrinin daha da möhkəmləndirilməsi məqsədilə "Dostluq körpüsü" adlı Uşaqların və Gənclərin Beynəlxalq Folklor-Rəqs Festivalı keçirilir.
Təhsil Nazirliyindən Axar.az-a bildiriblər ki, Quba Uşaq Yaradıcılıq Mərkəzində keçirilən festivala ümumilikdə 426 iştirakçı qatılıb. Onlardan 219-u qonaq, 207-si isə yerli iştirakçılardır.
Qonaqlar rəqs festivalında iştirak ediblər. Tədbir iyunun 15-də başa çatacaq.
Qeyd edək ki, Quba Rayon Uşaq Yaradıcılıq Mərkəzinin dərnək üzvləri 2011-ci ildən ənənəvi olaraq Türkiyə, Rusiya, Bolqarıstan və Gürcüstanın dəvəti ilə bir sıra beynəlxalq festival və müsabiqələrdə uğurla iştirak edərək mükafatlara layiq görülüblər. Bu müsabiqələr çərçivəsində mərkəzin dərnək üzvlərinin Azərbaycanın adət və ənənələri ilə bağlı təqdimatları olub. Festivala olan marağı nəzərə alaraq Türkiyə, Gürcüstan və Moldovadan qonaqlar Azərbaycana dəvət ediliblər.
Festivalın əsas məqsədi ölkələrin mədəniyyətlərini nümayiş etdirmək və rəqs kollektivlərinin dostluq əlaqələrinin daha da möhkəmlənməsinə kömək göstərməkdir.
Tarix
2016.06.12 / 01:18
|
Müəllif
Axar.az
|