Rusiya Xarici İşlər Nazirliyi Suriyanın paytaxtı Dəməşqin şiələr yaşayan bölgəsində baş verən terror aktına münasibət bildirib.

Axar.az xəbər verir ki, mülki vətəndaşların ölümü ilə nəticələnən hücumları pisləyən nazirlik Suriya dövlətinin yanında olduğunu növbəti dəfə bildirib:

"Terror hücumlarına qarşı Suriya xalqı və hökumətinin yanında olduğumuzu bir daha açıqlayırıq".

Suriya xalqına terror hücumlarından sonra ölkədə gərginliyin artmaması üçün təbliğata uymamaq çağırışı da edilib.

Xatırladaq ki, paytaxtın Seyid Zeynəb qəsəbəsində ard-arda baş verən iki partlayış nəticəsində 16 nəfər həlak olub, 55 nəfər isə yaralanıb. Teraktın məsuliyyətini İŞİD terror qruplaşması öz üzərinə götürüb.