Ana səhifə Gündəm |
Dini Qurumlarla İş üzrə Dövlət Komitəsinin sədri Mübariz Qurbanlı bu gün BMT-nin ölkəmizdə yeni təyin olunmuş rezident əlaqələndiricisi Qulam İsakzaini qəbul edib.
Komitədən Axar.az-a verilən məlumata görə, Mübariz Qurbanlı yaxın günlərdə fəaliyyətinin 15 illiyini qeyd edəcək Dövlət Komitəsinin yaranma tarixindən bəhs edib.
Ölkəmizdə radikal meyillərin yayılmasının qarşısının alınmasının "Dini ekstremizmə qarşı mübarizə haqqında" Qanuna müvafiq formada həyata keçirildiyini deyən komitə sədri dini radikalizmlə mübarizənin hüquqi, iqtisadi və ideoloji təbliğat olmaqla üç istiqamətdə aparıldığını qeyd edib.
Mübariz Qurbanlı BMT Təhlükəsizlik Şurasının işğal olunmuş ərazilərin boşaldılmasına dair qətnamələrinə əməl olunmaması ilə bağlı fikirlərini də qonağın diqqətinə çatdırıb.
Q.İsakzaini bildirib ki, BMT-nin Baş katibi tərəfindən dini radikalizm və ekstremizmlə mübarizə istiqamətində tədbirlərin gücləndirilməsi ilə bağlı geniş işlər görülür.
Tarix
2016.06.13 / 17:03
|
Müəllif
Aygün Yusibova
|