Dünən Türkiyə Prezidenti Rəcəb Tayyib Ərdoğan Beştəpədə AKP-çi millət vəkillərini və partiya idarə heyətinin üzvlərini iftar süfrəsinə toplayıb.

Axar.az xəbər verir ki, çıxışında millət vəkillərini salamlayan prezident spiker İsmayıl Qəhrəmanın adını yaddan çıxarıb.

Daha sonra səhvini düzəldən Ərdoğan spikerdən üzr istəyib:

"Bir protokol xətası etdim. Səhvimin bağışlanmasını xahiş edirəm".

Bu arada prezidentin spikerin adını çəkmədən millət vəkillərini salamlaması salonda çaxnaşmaya səbəb olub. Bu zaman Baş nazir Binəli Yıldırım gülümsəyərək vəziyyəti Əminə Ərdoğana izah edib.

Qeyd edək ki, protokol qaydalarına əsasən, prezident öncə parlamentin sədrini, daha sonra millət vəkillərini salamlamalıdır.