Qənirə Paşayeva Qazaxıstanın dövlət katibi ilə görüşdə qardaş ölkədə baş verən terror hadisələrini pisləyib.

Axar.az xəbər verir ki, millət vəkili ümumdünya qadın sammiti çərçivəsində Qazaxıstanın dövlət katibi Gülşara Abdukalikovanın rəhbərlik etdiyi nümayəndə heyəti ilə görüşüb.

1990-cı illərdə Azərbaycanda törədilən və Ermənistan tərəfindən dəstəklənən terror hadisələrinə toxunan Q.Paşayeva deyib ki, harada baş verməsindən asılı olmayaraq bütün dünya terrorla birgə, ciddi mübarizə aparmalıdır.

Deputat eyni zamanda, Azərbaycanla Qazaxıstan arasında bütün sahələrdə əməkdaşlığın getdikcə inkişafına böyük önəm verdiyini, parlamentlərarası əməkdaşlığın daha da genişləndiyini və bu istiqamətdə münasibətlərin artmasının məmnuniyyət yaratdığını deyib.