UEFA Rusiya yığmasını Avropa çempionatının sonunadək şərti diskvalifikasiya edib.

Axar.az xəbər verir ki, bundan başqa Rusiya Futbol Federasiyası 150 min avro cərimələnib.

Verilən məlumata görə, əgər Rusiya və İngiltərə azarkeşləri bir daha ictimai asayiş qaydalarını pozarsa, onların favorit komandaları çempionatdan uzaqlaşdırılacaq.

Qeyd edək ki, Avropa çempionatında B qrupunda keçirilən ilk turda Rusiya və İngiltərə yığmaları arasında oyun 1:1 hesabı ilə başa çatıb. Oyun başa çatandan sonra 30 rusiyalı azarkeş ingilis azarkeşlərə hücum edib, onların əllərindəki bayraqları cırmağa çalışıblar. Azarkeşlər arasında baş verən toqquşma nəticəsində 1 nəfər ölüb, 31 nəfər xəsarət alıb.