Ana səhifə Planet |
Dünya şöhrətli milyarder Uorren Baffetlə nahar hərracda 3.5 milyon dollara satılıb. Milyarderlə nahar etmək üçün milyonlar sərf edən şəxsin adı isə mətbuata açılanmayıb.
ANS-in məlumatına görə, 3.5 milyon dollara satın alınan milyarderlə nahar Nyu-Yorkun "Smith & Wollensky" restoranında baş tutacaq.
Hərrac San-Fransiskoda bir həftə boyunca keçirilib. Həftənin sonuncu günü 2.8 dollarla başladılan satış 3.5 milyon dollara qədər qalxıb.
İlk bu cür birgə nahar isə 2000-ci ildə satılıb və milyarderlə nahar şansı 25 min dollara alınıb.
Daha əvvəl amerikalı investor-milyarder Uorren Baffetlə birlikdə nahar eləmək hüququ 2014-cü ildə "eBay" internet-hərracında $ 2,17 milyon dollara satılıb.
Qalib "EMES" şirkətindən olan Sinqapur vətəndaşı Endi Çua olub.
2013-cü ildə Baffetlə nahar 1 milyon dollara başa gəlmişdi. Rekord qiymət isə 2012-ci ildə qeydə alınıb - 3 456 789 dollar.
Uorren Baffet "Forbes"un milyarderlər reytinqində üçüncü yeri tutur. O, planetin ən nüfuzlu şəxsləri sırasındadır. Onun var-dövləti 72.2 milyard dollar qiymətləndirilib.
Tarix
2016.06.14 / 15:46
|
Müəllif
Axar.az
|