Hazırda İran və Ermənistan arasındakı münasibətlərdə dəyişikliklər baş versə də, bu, işğalçı dövlətə heç nə vəd etmir.

Bunu Axar.az-a açıqlamasında politoloq Tofiq Abbasov deyib. Onun sözlərinə görə, son səfərlər fonunda İrəvan-Tehran əlaqələrinin strateji anlama gəlməsini söyləmək çətindir:

"Tehran bir neçə dəfə müxtəlif mötəbər təşkilatlar səviyyəsində Azərbaycanın ərazi bütövlüyünü dəstəklədiyini səsləndirirb, ayətullah Xameneyi isə öz çıxışında Qarabağ ərazisinin müsəlmanlara, yəni Azərbaycana mənsub olduğunu vurğulayıb. Odur ki, hazırkı dövrdə İran-Ermənistan münasibətlərinin dinamikası sabiq prezident Əhməd Nejatın vaxtındakı göstəricilərə görə bir qədər səngiyib. Bu da ondan irəli gəlir ki, Prezident Ruhani daha praqmatik siyasət yeridir və Azərbaycanı öz ölkəsi üçün daha vacib sayır. İran və Ermənistan arasındakı münasibətlərdə dəyişikliklər baş versə də, bu, işğalçı dövlətə heç nə vəd etmir".