PKK terror təşkilatının idarə heyətinin üzvləri Cəmil Bayıq, Duran Qalxan, Mustafa Qarasu ilə Murad Qarailan arasında dava düşüb.

Axar.az "Sabah" qəzetinə istinadən xəbər verir ki, buna səbəb PKK-nın xəndək strategiyası olub.

Qəzetin əldə etdiyi məlumata görə, hadisə 2 il əvvəl baş verib. Murad Qarailanın bu strategiyaya qarşı çıxması digərləri tərəfindən etirazla qarşılanıb. Lakin Qarailan digərlərinə sözünü qəbul etdirə bilməyib.

Əməliyyatların başladığı 2015-ci ilin iyulundan bu günə qədər isə xəndək strategiyası Türkiyənin hüquq mühafizə orqanları tərəfindən fiaskoya uğradılıb.

Qəzet son olaraq yazır ki, PKK rəhbərləri sözügedən fikir ayrılığını ABŞ və Rusiyanın bilməməsinə çalışır.