Ana səhifə Gündəm |
Qənirə Paşayeva Polşanın İşəgötürənlər Konfederasiyasının prezidenti, sabiq Əmək naziri Henryka Boçniarzın rəhbərlik etdiyi nümayəndə heyəti və Polşanın fəal qadın təşkilatlarının liderləri ilə görüşüb.
Axar.az xəbər verir ki, Azərbaycan parlamentinin Polşa ilə əlaqələrin və dostluğun inkişafına verdiyi böyük önəmdən danışan millət vəkili bu istiqamətdə münasibətlərin daha da artmasından məmnunluğunu ifadə edib.
Deputat görüşdə vurğulayıb ki, 20 ildən artıqdır öz yurd-yuvalarından qaçqın və məcburi köçkün düşən azərbaycanlıların fundamental insan haqları bu gün də Ermənistan tərəfindən pozulmaqda davam edir.
İki ölkənin qadın siyasətçiləri, iş adamları, qeyri-hökumət, KİV nümayəndələri arasında münasibət və qarşılıqlı səfərlərin vacibliyi və əməkdaşlığın inkişafı üçün böyük prespektivlərin olduğunun vurğulandığı görüşdə qarşılıqlı dəstəyin əhəmiyyətindən də söz açılıb.
Tarix
2016.06.16 / 17:42
|
Müəllif
Aygün Yusibova
|