Rusiya "Türk axını" layihəsi ilə bağlı yenidən danışıqlara başlamağa hazırdır.

Axar.az xəbər verir ki, bu sözləri Rusiyanın "Qazprom" şirkətinin sözçüsü Sergey Kupriyanov deyib:

"Qazprom" "Türk axını" layihəsi məsələsində hər zaman dialoqa hazırdır".

Qeyd edək ki, ötən il noyabrın 24-də Türkiyənin Rusiyaya məxsus Su-24 bombardmançısını vurmasından sonra layihə dondurulub. Türkiyə Prezidenti Rəcəb Tayyib Ərdoğanın ötən gün Rusiya Prezidenti Vladimir Putinə məktub yazaraq, Su-24 hadisəsinə görə təəssüfləndiyini bildirməsindən sonra isə əlaqələrin normallaşacağı ilə bağlı nikbin proqnozlar səsləndirilir.