Ərdoğan Putinə məktub göndərib, Türkiyə adından üzr istədi. Sən kimsən ki, Türkiyə adından üzr istəyirsən?

Axar.az xəbər verir ki, bu sözləri Türkiyənin Cümhuriyyət Xalq Partiyasının (CHP) lideri Kamal Kılıçdaroğlu deyib.

O, Türkiyə Prezidenti Rəcəb Tayyib Ərdoğanı sərt tənqid edib:

"Xarici siyasətdə əbədi dostluq və düşmənçilik yoxdur. Bir ölkənin daimi mənafeləri var. Xarici siyasətimiz milli maraqlar üzərində qurulmalıdır. Lakin bu gün hazırki hökumət xarici siyasətdən öz maraqları üçün istifadə edir. Ərdoğan Putinə məktub göndərib, Türkiyə adından üzr istədi. Sən kimsən ki, Türkiyə adından üzr istəyirsən? Rusiyadan üzr istəyə bilməzsən. Sərhədlərimizi pozan Rusiyadır. Ərdoğan CNN-ə müsahibəsində üzr istəməli olan tərəfin Rusiya olduğunu bildirmişdi. Əvvəlcə aslan kimi kükrədilər, indi isə pişik kimi miyoldayırlar".