Ana səhifə Planet |
Rusiyanın xüsusi xidmət orqanları ABŞ diplomatlarına qarşı təqib kampaniyası aparır.
Axar.az xəbər verir ki, bu iddia ilə Vaşinqton Post çıxış edib.
Verilən məlumata görə, sözügedən şikayətlər Vaşinqtonda Amerika səfirlərinin görüşü zamanı səsləndirilib.
Diplomatların iddialarına görə, Rusiyanın xüsusi xidmət əməkdaşları müxtəlif təzyiq metodlarından istifadə edirlər: diplomatlar və onların ailə üzvlərini izləyir, jurnalistləri pulla satın alır, hətta ABŞ diplomatlarının avtomobil təkərlərini deşir və evlərə soxulurlar.
Qeyd edək ki, daha öncə ABŞ Dövlət katibi Con Kerri sözügedən məsələ ilə bağlı Rusiyaya rəsmi müraciət ünvanlamışdı. Rusiya tərəfi cavabında amerikalı diplomatlara edilən təzyiqi ABŞ ərazisindəki rus diplomatlarının sıxışdırılmasına cavab kimi qiymətləndirmişdi.
Tarix
2016.06.28 / 18:12
|
Müəllif
Rəfiqə Əlisəfa
|