Ana səhifə Kult |
Türkiyəli məşhurlar sosial şəbəkədə terroru lənətləyiblər.
Axar.az türk sənət adamlarının Atatürk Hava Limanında baş verən terror aktı ilə bağlı paylaşmalarını təqdim edir:
Seda Sayan: "Bu ölkəni bölməyə, bu bayrağı endirməyə gücünüz çatmayacaq... Başımız sağ olsun".
Gülbən Ərgən: "İnsanlara yaşadılan bu qorxu, bu narahatlıq getdikcə bizi boğur. Turistlər ölkəmizdən qaçır".
Yıldız Tilbə: "Heç birimiz təhlükəsiz yerdə deyilik. Terrora lənət olsun".
Əmrə Altuğ: "Bunu edənlər, etdirənlər şeytanın özüdür, başqa açıqlaması varmı? Başımız sağ olsun".
Hakan Şükür: "Terroru törədənlərə, bunu təşkil edənlərə lənət olsun. Vəfat edənlərə Allah rəhmət eləsin, yaralı vətəndaşlarımızın tezliklə şəfa tapmasını diləyirəm".
Qeyd edək ki, İstanbul şəhərində Atatürk Hava Limanında törədilən terror aktı nəticəsində 36 nəfərin öldüyü, 150-ə yaxın insanın yaralandığı bildirilir. Hücumda İŞİD silahlılarının əli olduğu ehtimal edilir.
Tarix
2016.06.29 / 14:13
|
Müəllif
Dilarə Zamanova
|